Ursula von der Leyen presidenteak Europako automobilgintzaren etorkizunari buruzko hirugarren elkarrizketa estrategikoa egin du 2025eko irailaren 12an. Elkarrizketa dela eta, Bruselan bildu dira, berriz ere, Europako automobilgintza, solaskide sozialak eta alderdi interesdun nagusiak. Horrela, eutsi egiten zaio Batzordeak Europako oparotasunerako ezinbestekoa den sektore baten etorkizuna zaintzeko eta epe luzera haren lehiakortasuna, jasangarritasuna eta erresilientzia bermatzeko duen konpromisoari; eta, aldi berean, klima neutraltasuneko gure helburu komuna betetzen da.
Von der Leyen presidenteak elkarrizketa estrategikoa jarri zuen abian 2025eko urtarrilean, automobilgintza jasaten ari den aldaketa sakonei erantzuteko. Europako automobilgintzak aurre egin behar dio teknologia berriek eta lehiakortasunaren hazkundeak eragindako bilakaera azkarreko enpresa inguruneari. Aldi berean, sektoreak testuinguru geopolitiko aldakorrari egin behar dio aurre, eta horrek ziurgabetasun gehigarria sortzen du.
Prentsa oharra kontsultatzen ahal da online, xehetasun gehiago dituena. Laburpen dokumentua ere eskuragarri dago linean.
