Europako Batzordearen “Prospektiba estrategikoari buruzko 2025eko txostena”k «Erresilientzia 2.0» aurkeztu du, ikuspegi prospektibo eta proaktiboa, EBk garai nahasietan aurrera eginen duela, erronka berriak aurreratuko dituela eta herritarrendako eta enpresendako espazio segurua sortuko duela bermatzeko.
Txostenak hainbat megajoera identifikatzen ditu: klima eta ingurumen trantsizioak bizkortzen dira, segurtasunaren arloko kezkak areagotzen ari dira, eta munduko lehia ekonomiak eta gizarteak berregituratzen ari da. Aldi berean, Europak aurre egin behar die zenbait konturi, zeinak lotuta baitaude bere autonomia estrategikoarekin, lehiakortasunarekin, gizarte kohesioarekin eta demokraziaren eta haren funtsezko balioen babesarekin.
Etorkizuneko erronken tamainaren eta konplexutasunaren aurrean, arduradun politikoek agertoki ezezagunak edo imajinatzeko zailak direnak hartu behar dituzte kontuan. Txostenak EBko politikak prestatzeko ezaugarri iraunkorra bihurtzen du prospektiba. 2026tik aurrera, prospektibari buruzko urteko txostenek, joerak aztertzeaz gain, etorkizuneko agertokiek Europan nola eraginen luketen egiaztatuko dute, eta ezagutza horiek eremu guztietako politikak konfiguratzeko erabiliko dituzte.
