Ollo lehendakariordeak ekimen baten seigarren edizioari hasiera eman dio. Dagoeneko ia 200 lagun trebatu dira.
Ana Ollo bigarren lehendakariorde eta Memoria eta Bizikidetzako, Kanpo Ekintzako eta Euskarako kontseilariak “Europako Proiektuak Sustatzeko eta Kudeatzeko Etengabeko Prestakuntza Ikastaroaren” seigarren edizioaren irekiera ofiziala egin du ostegun honetan Nafarroako Unibertsitate Publikoan (NUP). Harekin batera, Kanpo Ekintzarako zuzendari nagusi Sergio Pérezez gain, Nafarroako Unibertsitate Publikoko Irakaskuntzako errektoreorde Javier Goicoecheak eta Proiektuen Zuzendaritzako Masterraren arduradun Sara Marcelinok ere parte hartu dute.
Ollo lehendakariordeak adierazi duenez, 2020an, NUPi proposatu zitzaion hitzarmen bat ezartzea espezializazio-ikastaro bat emateko, bi helbururekin: alde batetik, Nafarroako eragile sozioekonomikoek Europar Batasunari, haren politikei eta erakundeei buruzko ezagutza handiagoa izan dezaten lortzea, eta, bestetik, Foru Komunitatean gero eta pertsona gehiago prestatzea norgehiagokako Europako finantzaketa-mekanismoetan.
Helburu horrekin diseinatu zen espezializazio-ikastaro hau, Kanpo Harremanetarako Zuzendaritza Nagusiaren eta NUPen artean, Europako programei eta deialdiei buruzko ezagutza zehatza lortzeko, nazioarteko partzuergo eta partenariatuetan sartzeko eta, horrela, aliantza estrategikoak garatzeko eta proiektu sendoen proposamenekin norgehiagoka-deialdietan parte hartzeko, Nafarroaren itzulkin ekonomikoa areagotuz.
El éxito de este curso se refleja en el hecho de que ya se han llevado a cabo cinco ediciones, en las cuales se ha formado ya a casi 200 personas provenientes tanto del ámbito público como privado.
Ollo lehendakariordeak gogorarazi du Europar Batasunari, haren politikei, erakundeei eta programei buruzko prestakuntza “2025-2028 aldirako Kanpo Harremanetarako II. Planaren jarduera-ildoetako bat dela. Plan hori aurtengo maiatzean onartu zen, Europako Proiektuen Bulegoak gauzatzen duen Nafarroaren jarduera-ardatzaren barruan”. “Horregatik — jarraitu du —, oso garrantzitsua da Gobernuaren eta unibertsitate publikoaren arteko aliantza estrategikoa, mundura irekita dagoen Nafarroa garatzearen alde. Ikastaro honen seigarren edizioa hasteak erakundeen arteko lankidetza sendotzera garamatza, eguneratzen eta Europako testuinguru berrira egokitzen ari baikara”.
