Kopenhageko Lehiakortasunaren Kontseilu Informalaren esparruan
Espainia, Europar Batasuneko beste bederatzi herrialderekin batera, Europako industria elektrointentsiboa babesteko neurriak bultzatzen ari da. Neurri horien helburua da Europako industriaren lehiakortasuna bermatzea, energiaren prezio garestien, lehia globalaren eta deskarbonizazio beharraren aurrean.
Espainia buru duen ekimenak adierazpen bat prestatu du, eta, horren bidez, Europako Batzordeari eskatzen dio neurriak har ditzala sektorea babesteko –bereziki altzairua– eta industriaren deskarbonizazioa, energia eskuragarrirako sarbidea eta Karbonoa Mugan Doitzeko Mekanismoaren (CBAM) ezarpen eraginkorra sustatzeko, Industria eta Turismo Ministerioaren arabera.
Europako industria elektrointentsiboa indartzeko Aliantzaren hurrengo bilera, Espainia buru izanen duena, EBko Lehiakortasun Kontseiluaren esparruan eginen da irailaren amaieran, Industria eta Turismo Ministerioaren arabera.
