Behin sektore farmazeutikoa bidezkoagoa eta lehiakorragoa izatea lortu nahi duten arau berrien gaineko jarrera adostuta, Europako Kontseilua prest da Europako Parlamentuarekin negoziatzen hasteko.
«Pakete farmazeutikoa» osatzen duten erregelamendu eta zuzentarau proposamenek Europar Batasuneko sendagaiei buruzko legediaren arloan bi hamarkadatan baino gehiagotan izandako erreformarik handienak ekarriko dituzte. Hauxe da helburua:
- Europar Batasun osoko pazienteek sendagai seguru, eraginkor eta eskuragarrietarako bidezko sarbidea dutela bermatzea, non bizi diren kontuan hartu gabe.
- Europar Batasuneko industria farmazeutikoaren lehiakortasuna hobetzea, karga arautzailea murriztuz eta arau-esparrua sinplifikatuz
- Horniduraren segurtasunarekin lotutako gaiei heltzea, eskasia gainbegiratzeko eta prebenitzeko neurrien bidez.
- Medikamentuen ingurumen-inpaktua arintzea, ingurumen-arauak hobeki aplikatuz.
Europako Kontseilua prest dago orain Europako Parlamentuarekin negoziazioak hasteko, «pakete farmazeutikoaren» gaineko akordio bat lortze aldera. Arau berriak juridikoki eta linguistikoki berrikusi ondoren ezarriko dira.
