Palobiofarma sartu dute European Innovation Council Accelerator-eko 99 enpresa berritzaileen artean. Horri esker, Sodenak lagundutako enpresa nafar horrek onespena jaso du buxadurazko arnas gaixotasun kronikoetarako PBF-680 produktuaren II. fasea finantzatzen duen Europako proiektuaren aldetik, eta 2,5 milioi euroko finantza-laguntza emanen zaio. Gainera, produktu horren III. fasea zati batean finantzatzeko aukera ematen zaio, 15 milioi euro gehiago inbertituz kapital-gehikuntza gisa.
EIC Accelerator-ek, Horizon Europe programaren III. zutabearen parte denak, 2,5 milioi euro arteko dirulaguntzak eskaintzen dizkie enpresa berriei eta enpresa txiki eta ertainei, EIC funtsaren bidezko kapital-inbertsioekin konbinatuta, 0,5 eta 15 milioi euro bitartekoak. Finantza-laguntzaz gain, proiektu guztiek jasotzen dute negozioak bizkortzeko zerbitzu sorta bat, eta zerbitzu horiei esker aukera dute lider adituekin harremanetan jartzeko, bai eta korporazioekin, inbertitzaileekin eta ekosistemako gainerako eragileekin ere.
